'N Kokosnutt is'n fein'n Speeltüüg

PaulEberhardt on May 28, 2015

Moin Lüe! Dor bün ik bilütten wedder, un ik hebb jo ok wat mitbracht. Erst wull ik dat man gor nich bunt maken, aber denn duch mi, wenn ik jo al so lang töven leet, denn mutt sik dat ok lohnen! Wiel mi dat erst achterna infalln is hebb ik nu so'n Papier nahmen, dat egens to dünn is, aber ok dat geit, wenn'n blots will.
De Idee to düsse Siet hebb ik vun'n Katt, de wi mal harrt. De weer woll'n beten bekloppt (un kunn ok nix höörn), un wiel se so keen Müüs fangen kunn, hett se denn jümmers Eckeln rinbracht un so doon, as weer dat'n Muus. Ik hebb dor sogor noch'n Foto vun: http://fav.me/d8v2iaj
Üm vun sowat'n Comic to maken, muss ik rein gor nix doon, blots wat finnen, wat Tiger in sien Muul hebben kann, dat dat just so lett.
Vergahn mal hebb ik woll seggt, dat ik dor noch'n Siet in Bleestift hebb, de ik blots noch fardig maken mutt. Dat is nich düsse hier, aber de hebb ik ok noch. Mal kieken, wo lang ik Drömelmors ik düt mal bruuk… So oder so, jichenswann kummt jümmers mal wat, dorüm: kiekt mal woller rin!