Wokeen is de Baas?!

PaulEberhartd on April 15, 2012

So! Nu is de neie Siet bilütten mal dor. Mal kieken, of ik dat tominnst tokamen Freedag woller henkrigg.

Mannichmal will so'n Katt blots weten, wokeen de Baas is, un denn muttst jem dat ok wiesen. Aber so hett sik dat Tiger woll ok nich dacht. :)

Schöön Dank an mien Vadder för düt wunnerbeste Foto.

Ik sä, dat ik'n Grund harr, worüm de Siet to laat is. Ik heff een Dag in'n Tigerpark Dassow to'n Geburtsdag kregen. Dor kunn ik dann direkt an de Tigers ran, jem wat to Freten geven, kieken, wo een se trainiert un wat weet ik. Wenn ji dor noch nich weert, denn mütt ji dor mal hen: http://www.tigerpark.de Is goot, dor.

Aber worüm is denn nu düsse Siet to laat? Wiel ik dor de Idee kregen hebb, un denn mutt ik de olle Idee, de ik toerst harr, wechsmieten un nei anfangen. De olle Idee weer man ok nich so doll, also bün ik ganz tofre'en… Wat? Dat is keen goten Grund? Hebb ik ok nich seggt, dat de goot is. ik heff blots seggt, dat ik'n Grund hebb! ;)

Ik hebb nu butendem ok'n NEIEN BILD OP TOPWEBCOMICS (de bloe Knopp, links boben). Dat mütt ji jo ok mal ankieken, dor könnt ji mi mit'n paar Tigers sehn. Ik hebb dor ok wat op Engelsch ranschrieven. Wenn ji wullt, översett ik jo dat ok.

Kiekt mal woller rin!