Wat will se egens?

PaulEberhartd on July 4, 2013

Moin Lüe! Ik bün woller dor, un ik hebb jo ok wat mitbracht!
Ik hebb mal woller veel to doon hatt, tomeist weer ik nich mal to Hus. Mien beste Fründ hett heiradt, un dat weer just wichtiger as Comic teken (ik graleer ok nochmal!). Denn hebb ik dat in'n Kopp kriggt, dat ik mal allens opschriev, wat ik mi so för düt Comic utdacht hebb. Mi weer man Bang, dat ik dat anners allens woller vergeten do, bevör ik dat teken kann. Dor is bannig veel bi rutkamen, so veel, dat dat bet tokamen Johr seker langt. Un jümmers kaamt neie Ideen dorto. Mi ducht, ik segg dat mal, blots dat ji weet, dat dat hier noch wieter geit, ok wenn ik mannichmal villicht mal'n Week wech bün oder twee. Deit mi aber liekers leed, wenn dat nich klappt. Na ja, ik bün al woller an'n teken, un jichenswann tokamen Week gifft't woller'n richtige Siet. Un denn wüllt wi mal kieken, of ik dat nich ok woller mit mien Tiedplan henkrigg.
Kriggt Gundi Acheron in'n Gripp? Will Sophie dat Peerd ganz alleen eten? Dat un noch mehr ward wi tokamen Mal sehn. Also: holt jo fuchtig, un kiekt mal woller rin! :)